Tatar Alan
Tatar Alan – гадәти лагерь-camp форматына гына сыеп бетми торган, гаилә рухында оештырылган үзенчәлекле татар мохите. Биредә төрле яшьтәге катнашучылар төркемнәргә бүленә, «өлкәннәр – кечеләргә» кул суза; уртак эшләр, бәйрәмнәр, мәйдан уеннары аша һәм табигый тел мохите эчендә, Татарстаннан бик еракларда, үзебезнең татар авылын корабыз!
10 көн дәвамында татар теле, тарихы, мәдәниятенә, кул эшләренә, музыка hәм театр сәнгатенә багышланган дәресләр, интерактив лекцияләр, остаханәләр, иҗади кичәләр, спорт чаралары үтә. Көндәлек программа намаз вакытларын исәпкә алып төзелә, теләүчеләр өчен көнгә бер тапкыр өйлә намазы hәм вәгазь планлаштырыла.
КОМАНДА
Тatar Alan командасында үз эшләренең остасы булган педагоглар эшли, ә үзебезнең Академиядә белем алучы татар яшьләре әйдаман буларак аларга аланны сыйфатлы, эчтәлекле, кызыклы һәм онытылмас итәргә ярдәм итәләр. Программабыз hәр төркем, һәр яшь өчен махсус төзелә; һәрбер баланың «апа», «абый» булу мөмкинлеге, чын татар авылларындагы кебек тирә-күршеле, туганлы, күп абый-апалы булу мөмкинлеге туа!
ТАТАРЧА СПЕКТАКЛЬ
Аланыбызның искиткеч матур традициясе – әти-әниләр төркеме әзерләп тәкъдим итә торган татарча спектакль. Театр татар халкының тормышында, мәгърифәтендә, тарихында, милли үзаңында аерым урын алып тора. Куелган спектакльләр ярдәмендә балаларга күңелле тамаша гына түгел, татар әсәрләре аша гореф-гадәтләребезне дә күрсәтәбез.
КҮЧМӘ АЛАН
Tatar Alan – күчмә алан! Алан безнең шартларда – экраннардан тормышка күчү мөмкинлеге. Төрле җирләргә, шәhәрләргә, илләргә күчеп төрле татарларны берләштерә. Матур мәдәни чаралар, спектакльләр, кичке чараларга алан үткәрелә торган шәһәрнең җирле татарлары да җәлеп ителә, татар мохите тагын да киңәя! Киләсе елның җәенә планлаштырылган аланга теркәл!
2026 елда үтәчәк Tatar Alan белән кызыксынасыз икән, рәхим итегез:
🇨🇦 Канада, 2026 (июль башы)
🇹🇷 Истанбул, 2026 (август башы)
📋 Tatar Alan гадәти көн тәртибе
8:00 – ☀️ Уяну һәм зарядка
9:00 – 🍳 Иртәнге аш
10:00 – 📚 Дәресләр
11:00 – 🤿 Коену һәм тематик программа
12:00 – 🍜 Төшке аш
13:00-15:00 – 🫂 Төркем вакыты
15:30 – 🍪 Тамак ялгау
16:00-18:00 – ✂️ Спор чаралары / Остаханә / Лекторий / Кул эшләре / Бишектән үстерү
18:00 – 🍲 Кичке аш
19:00-21:00 – 🎭 Олылар өчен кичке чара
20:00 – 😴 Сабыйларның йокы вакыты
21:00 – 🕯️ Шәмчекләр
22:00 – 💃 Tatar Alan йокларга ята! (әниләр уяна, яшьләр кич чыгып китә)
🎯 Tatar Alanның максатлары
Чит илдә яшәүче балалар һәм яшьләр өчен татар телле милли мохит тудыру;
Татар мирасын, мәдәниятен һәм тарихын кызыклы һәм җәлеп итүче рәвештә өйрәнүгә стимул булдыру;
Татар телен үстерү һәм практикада куллану;
Академия укучыларын бер-берсе белән күрештерү, гомерлек дуслыклар төзү;
Яшьләргә остаз булу мөмкинлеге бирү.
💡 Катнашучылар төркемнәре
Мәктәпкәчә балалар
3-7 яшь
Балалар
7-14 яшь
Яшүсмерләр
15+ яшь
