Тatar Alan 2025 – Вашингтон, Пенсильвания
2025 елда Tatar Alan Пенсильвания штатында, Вашингтон шәһәре янында узды.
Аланның төп темасы – милли үзаң, айдентика һәм шәхси үсеш программасы.
Команда
Аланның төп педагоглары:
Илдус абый Ахмадуллин
Машина белеме һәм ясалма интеллект (AI) технологияләренә юнәлгән тәҗрибәле техник лидер; Карьерасы Google компаниясендә шулай ук Meta, Apple һәм Celonis компанияләрендә Staff һәм Tech Lead дәрәҗәсендә
Камилә апа Хамди
Йога тренеры, үзенчәлекле балалар белән эшләүче остаз
Ширин Аль-Анси
Музыкаль терапевт Альбомнар: Планета, 2021 (продюсер Искәндәр Мустафин); Калам янында, 2014 (продюсер Yummy Music)
Педагогларның иң якын ярдәмчеләре – безнең әйдаманнар, алар чын мәгънәсендә «уң куллар». Иң зур горурлыгыбыз – әйдаманнарыбызның үзебезнең татар яшьләре булуы:
Үмит Чапаноглу
Йосыф Сәләхетдинов
Әмир Әхмәтҗанов
Салих Сәләхетдинов
Программа
Аланның төп темасы – Айдентика
Аланның идеясе – һәр катнашучының татарлар, татар халкы, татар мәдәнияте турында булган белемнәрен, ассоциацияләрен күрү һәм аларны алан дәверендә төрле чаралар аша үстерү. Без балаларның «татарлык» темасына ассоциацияләрен алан башында да, ахырында да җыйдык – аларның үзгәреше, тирәнәюе бик ачык күренә.
Тамаша-спектакль
Матур һәм җылы традицияләребезнең берсе – әти-әниләр төркеме исеменнән татар гореф-гадәтләрен чагылдырган тамаша-спектакль күрсәтү. Быел ул – «Татар туе» спектакле булды.
«Үзеңнең киләчәгеңне үзең төзе!» – Shaping the Future
Пенсильваниядә үткән Tatar Alan – 2025 махсус программасы – «Үзеңнең киләчәгеңне үзең төзе! (Shaping the Future)». Әлеге программа Илдус Ахмадуллин тарафыннан төзелде һәм аның җитәкчелегендә тормышка ашырылды.
Төп максат – татар балаларына һәм яшьләргә киләчәккә карата ачык, логик фикер йөртү юлын күрсәтү һәм моны реаль проект аша сынап карау.
Программа кысаларында түбәндәге темалар ачылды:
🤔 Карар кабул итү кысасы
Өстенлекләрне ничек билгеләргә, вариантларны ничек бәяләргә – бу һәртөрле карар өчен кирәкле күнекмә.📚 Университет һәм һөнәр сайлау
Үз кызыксынуларыңа һәм максатларыңа туры килгән белем юлын ничек эзләргә һәм сайларга.📇 Эш буенча интервью
Тупланган тәҗрибәгә таянып, әңгәмәгә ничек әзерләнергә һәм үзеңне ничек күрсәтергә кирәклеге турында гади, тормыштан алынган киңәшләр. Чын инженерлар, менеджерлар һәм университет профессорлары белән интервьюлар узганнан соң, нәтиҗәләрне күргәч, безнең ӨМЕТ бик зур!📈 Карьера юлын планлаштыру
Үз үсешеңне алдан ничек планлаштырырга һәм сиңа туры килгән мөмкинлекләрне ничек табарга.
Барлыгы якынча 12 сәгатьлек лекцияләр, воркшоплар һәм реаль проектлар башкарылды:
танышу кушымтасы
әби-робот
тел укыту кушымтасы
«Сәлам, Вашингтон!»
East Coast Tatar Alan традициясе: беренче көнне «Сәлам, Вашингтон!» дип башлыйбыз. Балалар беренче көннән үк күрешәләр, танышалар, шәһәрнең иң күренекле урыннары белән танышып, уртак маҗаралар аша уртак хатирәләрен тудыралар.
Без сәяхәтебезне Америка тарихы Милли музееннан башладык. Нәкъ менә шунда күптән күрешмәгәннәрнең кочаклашулары, ә кайберләребез өчен – беренче танышулар чынга ашты. Бу мизгелләргә Кушма Штатларның бай био һәм экомохите, зур мамонт сөякләре, динозавр башлары шаһит булдылар.
Соңрак без АКШ Капитолиясе ягына тәпиләдек. Анда без бөек Ротунда залын күрдек, Вашингтонның «аллалаштырылуы»н сурәтләгән тарихи рәсемнәрне сокланып карадык, Конгрессның борынгы залларын үтеп чыктык һәм Америкада законнарның ничек кабул ителүе турында мәгълүмат алдык. Бу сәяхәт АКШ демократиясенең үзәге белән танышу мөмкинлеген бирде, һәм бу татар балалары өчен бик файдалы булды.
Яңа сәяхәтләр: Люрей мәгарәләре һәм башкалар
Tatar Alan моның белән генә чикләнмәде, әлбәттә. Без өстәмә сәяхәтләргә дә юл тоттык: танылган Люрей Caverns мәгарәләренә, табигый квестка, иске машиналар музеена бардык, Амиш авылы белән таныштык.
Иң зур горурлык: Татар конференциясе һәм «Шәрыкъ кичәсе»
Tatar Alan кысаларында, татар яшьләре һәм балалар көче белән, Татар конференциясе һәм «Шәрыкъ кичәсе», шулай ук Tatar Open House үткәрелде. Биредә балалар үз проектларын, иҗат җимешләрен, татарча репортажлар, театральләштерелгән тамашалар тәкъдим иттеләр. Алар – чын мәгънәсендә яңа татар киңлеген төзүче буын.
Tatar Alan 2025 футболкасы
Сезгә Tatar Alan 2025 өчен махсус әзерләнгән футболка турында сөйләргә телибез. Дизайнның нигезендә – Татарстан байрагы:
🌿 Яшел – тормыш, яшьлек һәм иман.
🤍 Ак – пакьлек, тынычлык һәм изге уйлар.
❤️ Кызыл – көч, энергия һәм буыннарны бәйләүче җеп.
Футболканың паттерны Gucci паттернына охшатып, татар милли бизәген кулланып башкарылды. Аны Марат Сәләхетдинов Artificial Intelligence ChatGPT (Гаптери) белән бергәләп ясады.
Тагын бер үзенчәлек – футболкада Tatar Alan катнашучылары яшәгән шәһәрләрнең күренекле урыннары урын алган. Таныйсызмы?
- Montreal Biosphère
- Golden Gate tower
- U.S. Capitol
- Miami art-deco style building + palm
- Columbus LeVeque Tower
- Mansfield Courthouse
- Seattle Space Needle
- Griffith Observatory
- Sunshine Skyway Bridge
- Moncton Assomption Place
- CN Tower
- Gateway Arch
- Empire State Building