Белемле халык өчен иганә кылыгыз!
Alima Academy − туган теле, мәдәнияте һәм халкы өчен җан атучы кешеләрдән торган зур команда ул. Бүгенге дөньяда, бернигә дә карамастан, тел, әдәбият, тарих укытучысы һөнәрен сайлаган һәм чын йөрәктән профессиональ рәвештә шушы юлдан горур атлаучы кешеләрдән торган команда! Әгәр дә сез дә безнең эшебезгә үз өлешегезне кертергә телисез икән, төрле юллар белән безгә ярдәм итә аласыз.
Параллель рәвештә дәвам итүче берничә проект эшләп килә:
Билгеле бер баланың белем алуы өчен түләү
Балаларына татар телендә белем бирергә теләп тә, кайбер сәбәпләр аркасында моны чынга ашыра алмаган гаиләләрдән килгән гаризалар базабызда туплана. Бер яки берничә баланы һәм аларның укыйсы килгән предметларны сайлап алып, алар өчен түли аласыз. Ә без, үз чиратыбызда, сез сайлаган баланың академик үсеше турында сезгә нәтиҗә-отчетлар җибәреп торабыз.
Безнең Paypalга «Бала укыту» исеме белән үзегез теләгән сумманы җибәрә аласыз
Татар китаплары нәшер итүгә ярдәм итү
Татарча балалар китаплары нәшер итүгә ярдәм максатыннан берничә тапкыр акча җыю оештырган идек. Проектлар күп, китаплар җитәрлек түгел. Идеяләребез – чиксез, сезнең белән дә бүлешергә әзербез! Сәләтле татарларыбызга ярдәм итик!
Безнең Paypalга «Без китаплы» исеме белән үзегез теләгән сумманы җибәрә аласыз
Төп миссиябез − үз тарихы һәм мәдәнияте белән горурлана торган онлайн татар мәхәлләсе төзү, татар телендә уку-укыту, аралашу һәм тел практикасы өчен шартлар булдыру. 6 ел буе уңышлы белем бирү дәверендә дәресләр өчен түләү мөмкинлеге булмаган гаиләләр белән дә очрашырга туры килде. Мондый очракларда билгеле бер балага билгеле бер предмет буенча белем бирергә ярдәм итүче спонсорлар табарга һәм җәлеп итәргә тырышабыз.
Әгәр дә сездә дә шуңа охшаш ситуация икән һәм туган телне саклау һәм киләчәк буыннарга тапшыру сезнең өчен дә бик мөһим икән, зинһар өчен, безгә языгыз – info@alima.academy 📩 Сезнең балагыз өчен дә спонсор табарга тырышырбыз!
Безнең сафларда урын алыгыз,
Мәшһүр татар иганәчеләре эзеннән барыгыз!
